Көктайғақ, жаңбыр, шаңды дауыл: бүгін елімізде ауа райы қандай болады
Синоптиктер сейсенбі, 10 қазанда ел аумағында ауа райы қандай болатынын болжады, деп хабарлайды nur.kzМамандардың болжамынша, бүгін еліміздің батысында, солтүстік-батысында, солтүстігінде жауын-шашын, түнде еліміздің солтүстік-батысында қатты жауын-шашын (жаңбыр, қар) болады. Сондай-ақ республика бойынша екпінді жел, Қазақстанның батысында көктайғақ, оңтүстік-батысында шаңды дауыл, батыста, солтүстік-батыста, шығыста түнде және таңертең тұман күтіледі. Бұдан бөлек, метеорологтар бүгін Қызылорда облысында өрт шығу қаупі сақталатынын, ал Жамбыл, Түркістан облыстарында, Қызылорда облысының батысында өрт шығу қаупі жоғары екенін ескертіп отыр. Естеріңізге сала кетейік, бұған дейін синоптиктер алдағы үш күнде еліміздің батысында ауа температурасы -5 градусқа дейін төмендеуі мүмкін екенін хабарлаған еді.
