Жеңіс тұғырынан көрінді
Құмжиек ауылдық округі әкімі аппаратының “Қ.Пірімов ауылдық клубы” МКҚК-ның ұйымдастыруымен “Ұлттық рухани жаңғыру” аясында “Берік отбасы-мықты мемлекет тірегі” атты аудандық әже мен немере арасындағы жұптық сайыс өткізілді.Байқаудың мақсаты- өсіп келе жатқан жеткіншектерімізді ізгілікке, үлгенді сыйлап, кішіні құрметтеуге, халқымыздың салт-дәстүрінен нәр алып, инабаттылық пен мейірімділікке тәрбиелеу.
Сайыс бірінші таныстыру-Тегін білу-тектілік”, екінші өз өнері “Әжем үйреткен өнер”, үшінші көрініс көрсету “Салт дәстүрім-рухани қазынам” кезеңдерінен тұрды.
Аудандық сайысқа Қазалы қаласындағы Ғ.Мұратбаев атындағы 17 орта мектебінен 4”А” сынып оқушысы Іңкәр Серік және әжесі Гүлмира Шамшаева қатысып, жүлделі бірінші орын иеленді. Бақ сынасқан әжесі мен немересін құттықтаймыз.
Сайысқа қатысушыларымызға демеушілік жасаған ата-анамыз, "Ақжүрек" ЖШС директоры Сәкен Өтегеновке алғыс білдерміз.
Айнұр СЫДЫҚ
