Жеке қабылдау өтті
Бүгін аудандық білім бөлімінің басшысы Әділхан Жөлекешов тұрғындарды жеке мәселесі бойынша қабылдады. Бұйым-тай айта келген азаматтар жақында пайдалануға берілуі тиіс жаңа мектепке жұмысқа тұрғысы келетіндерін жеткізді.Бөлім басшысы мектептің техникалық қызметкерлерін қабылдау арнайы құрылатын комиссияның шешімімен, «Мансап» орталығының жолдамасы арқылы жүзеге асатынын мәлімдеді. Ал ұстаздарға қатысты, жаңа мектеп ашылғаннан кейін бала санына қарай сынып саны анықталады. Осыған сәйкес конкурс жарияланып, комиссия шешімімен педагогтар жұмысқа қабылданатыны айтылды. Конкурс жариялағаны туралы Қазалы Ауданының Білім Бөлімі парақшасында хабарланады.
Айта кетейік, ауданның бас ұстазы бейсенбі күні 9:00 – 11:00 аралығында тұрғындарды жеке мәселелері бойынша қабылдайды.
"ҚАЗАЛЫ"ақпарат
