Биылғы жолдаудың теміржолшылар үшін маңызы зор
Бүгін Қазалы пайдалану вагон депосында қазалылық теміржолшылардың бас қосуымен ел Президенті Қасым-Жомарт Тоқаевтың Қазақстан халқына Жолдауы талқыланды.Жиынды ашқан аудандық мәслихат депутаты, «Қазалы ВЧД-6 жол бойы» бастауыш партия ұйымының төрағасы Арғын Орымбаев кезекті Президент Жолдауы қоғамның маңызды мәселелерін шешуге бағытталған іс-шаралар кешені екенін атап өтті.
– Биылғы Жолдаудың теміржолшылар қауымы үшін, жалпы көлік қызметкерлері үшін маңызы зор. Себебі еліміз бойынша Президенттің пәрменімен Көлік министрлігі қайта құрылып, жұмысын бастады. Осы сынды аса өзекті мәселелер кезек күттірмей орындауды талап етеді. Оның ішінде Мемлекет басшысының еліміздің логистикалық әлеуетін арттыру жайындағы бастамалары да біздің басты назарымызда болып отыр. Алдағы уақытта еліміз бойынша жаңа темір жолдарын салу сынды жауапты да күрделі міндет тұр, – деді Арғын Қайрбайұлы.
Өз кезегінде жиынға қатысқан партия мүшелері ел Президентінің Жолдауындағы жарқын тұстарды сөз етіп, ел игілігі үшін жасалып жатқан игі істерді қолдауға әркез дайын екендіктерін білдірді.
#AMANAT
#Жолдау2023
#Жолдау2023
