Аудан әкімі: Құрылыс сапалы аяқталуы тиіс
Әйтеке би кентіндегі 250 орындық мектептің құрылысын назарда ұстап отырған аудан әкімі Мұхтар Оразбаев бүгін нысанның жай-күйімен танысып қайтты.Мұхтар Әуесұлы мердігер мекеменің жауапты қызметкерлеріне құрылыс жұмыстары кешеуілдеп жатқанын, тез арада ел игілігіне беру керектігін ескертті. Оған қоса құрылысын аяқтау үшін жұмысшылар санын көбейтуді тапсырды.
Бұдан бөлек, аудан әкімінің орынбасары Жалғас Сүйеубаев пен аудандық сәулет, құрылыс және қала құрылысы бөлімінің басшысы Нұрбек Күзембаевқа білім ошағын ұдайы қадағалап, жағдайды тұрақты бақылауда ұстап отыруды жүктеді. Сондай-ақ, ғимарат толық аяқталамын дегенше, өзі арнайы келіп тұратынын айтты.
"ҚАЗАЛЫ" ақпарат
