Волейболдан аудандық турнир өтті
Қазалы ауданының 95 жылдығы аясында Құмжиек ауылдық округі жастарының ұйымдастыруымен волейболдан «Достық кубогі - 2023» аудандық жарысы өтті.Қ.Пірімов ауылындағы спорт кешенде өткен сайысты аудан әкімінің орынбасары Дәурен Тілеумбетов ашып, спортшыларға сәттілік тіледі.
Аталған жарысқа бірнеше елді мекеннен барлығы 8 команда қатысып, өзара мықтыны анықтады. Нәтижесінде жүлделі І орынды “Құмжиек” командасы иеленді. Ал ІІ орын Құмжиек жастарына бұйырса, ІІІ орынға Жалаңтөс батыр ауылының спортшылары қол жеткізді.
Жарысқа қатысқан әрбір командаларға ынталандыру сыйлықтары мен үздік деп танылған ойыншыларға түрлі номинациялар бойынша қаржылай сыйақы табысталды.
"ҚАЗАЛЫ" ақпарат
