Форумның бірінші кезеңінде «AMANAT» партиясының төрағасы Ерлан Қошанов, Премьер-министр Әлихан Смайылов, Мемлекеттік хатшы Ерлан Карин секілді азаматтар баяндама жасап, халық пен мәслихаттардың арасын жақындатуға, елдің әлеуметтік мәселелерінің шешілуіне аянбай жұмыс жасау керектігін айтты.
Мұнан соң жаңадан құрылған Абай облысынан,Қарағанды қаласынан, Жаңаөзеннен, Алматыдан келген әріптестер кезек-кезек сөз алып, халықтың мұң-мұқтаждарын көтерді.
Форумның екінші кезеңінде түрлі секциялар бойынша депутаттар мен министрлердің кездесуі өтті. Жалпы форум барысында депутат ретінде Батыс Қытай-Батыс Еуропа тасжолының Қызылорда облысы мен Ақтөбе облысы ортасындағы күре жолдың қиындығын, көлік апаттарының көптігін көтердім.