Курьерлер мен такси жүргізушілері Қаржы министрлігінің пилоттық жобасы аясында 1 шілдеден бастап салық төлейтін болады. Пилоттық жобаға қатысу міндетті емес. Әзірге қатысқысы келетіндер ғана қатыса алады. Қатысу үшін жеке кәсіпкер ретінде тіркеліп, онлайн-платформаға тиісті құжаттарды ұсыну қажет.

Операторлар ай сайын жарты жылдық табыстың 1 пайызын алып отырады.

«Оператор жеке кәсіпкердің шешімі бойынша қаражатты ұстау бойынша міндеттемелерді орындау бөлігінде салық агенті болып танылады. Пилоттық жобаға қатысушылар үшін міндетті зейнетақы жарналары мен әлеуметтік аударымдарға салық төлеу жеке кәсіпкердің табысы болып саналады. Міндетті әлеуметтік медициналық сақтандыруға аударымдарға салық салу объектісі ең төменгі жалақының 1,4 еселенген мөлшеріндегі кірісі болады», деп түсіндірді Қаржы министрлігінің баспасөз қызметі.