Жәрмеңке жәрдемдесіп тұр
Өткен сенбіде Әйтеке би кентінің Әйтеке би кентінің 5-ші квартал аймағындағы Ы.Алтынсарин атындағы №204 мектептің жанында ауыл шаруашылығы өнімдерінің жәрмеңкесі өтті.Базар бағасынан әлдеқайда төмен бағамен сатылған өнімдерді жұртшылық кезекке тұрып таласып алды. Мұнда 5 көлікпен, 25 тонна тауар әкелініп, тұрғындарға ұсынылды. Оның ішінде ұн, өсімдік май, картоп, жуа, балық және өзге де өнімдер төмендетілген бағада сатылды.
– Осындай жәрмеңкелер ауданның әр аймағында жиі ұйымдастырылып тұруы керек деп ойлаймын. Қазір бәрі қымбаттап жатыр. Көпшілігінің азық-түлікті базардан көп мөлшерде алуға мүмкіндігі жоқ. Мұнда келіп біразы қолжетімді бағада сауда жасауда. Өзім де ұн, май дегенді артығымен алып жатырмын. Өйткені базар бағасында өсу жиі байқалып тұр. Сондықтан қолда қаржы бар да бәрін артығымен алып қоюды жөн көрдім. Осындай жәрмеңкелер жиі ұйымдастырылып тұрса, шығынымызды үнемдеуімізге сеп болар еді, – дейді кент тұрғыны Нұрай Сәтбайқызы.
Айта кетейік, кент орталығынан бастау алған жәрмеңке алдағы уақытта Қазалы қаласында жалғасын таппақ.Арайлым ҚУАНТҚАНҚЫЗЫ
