Жергілікті өнімдерге сұраныстың жоғары екендігін Әйтеке би кенті орталығындағы Қ.Пірімов көшесінің бойына жиналған қауымның қарасынан байқауға болады.

Әсіресе тұрғындар картоп, пияз, және асқабақ сынды өнімдерді көбірек сатып алды. Жәрмеңкенің басты артықшылығы – мұндағы өнім бағасының қолжетімділігі. Жәрмеңкеге жеткізілген азық-түлік нарық құнынан біршама арзан бағада саудаланды. Тұрғындар бұл жеңілдікке дән риза.

Аудан әкімі Мұхтар Оразбаев арзандатылған бағада өтіп жатқан жәрмеңкені аралап, ауылдық округтерден келген ет, сүт, балық өнімдері мен көкөністердің бағасын көріп, тұрғындармен тілдесті.

Тұрғындар жәрмеңкеге шығарылған ауыл шаруашылық өнімдерін көптеп алып, ұйымдастырушыларға өз ризашылықтарын жеткізді. Сондай-ақ халықтың игілігі үшін жасалатын дәл осындай шаралардың жалғасын табуына тілектестік білдірді.