Елімізде амбулаториялық деңгейде дәрі-дәрмекпен қамту төрт есеге артқан
Бұл туралы Денсаулық сақтау бірінші вице-министрі Тимур Сұлтанғазиев айтты.Алматыда ҚР Денсаулық сақтау министрлігі ДДҰ Еуропалық өңірлік бюросымен бірлесіп ұйымдастырған Орталық Азия елдерінде дәрілік қамтамасыз ету саласындағы ұлттық саясат шараларын күшейту жолдарына арналған субөңірлік саяси диалог өтіп жатыр, деп жазады inbusiness.kz.Қазақстан жыл сайын амбулаториялық және стационарлық деңгейде дәрі-дәрмекпен қамтамасыз етуді арттырып келеді. Егер 2019 жылы амбулаториялық деңгейінде дәрілік қамтамасыз ету 45 нозологияны және 2,7 млн адамды қамтыса, 2022 жылы 126 нозология бойынша 3,8 млн адам дәрі-дәрмекпен қамтылған.
"Біз ДДҰ-ның сапалы дәрі-дәрмектерге қол жеткізуге арналған іс-шарасына қатысқанымызға қуаныштымыз. Іс-шарадағы біздің ортақ міндетіміз – сапалы дәрілік заттарға қол жеткізу үшін қолдан келгеннің бәрін жасау, тәжірибе алмасуға қатысу, Орталық Азия елдеріндегі әріптестерімізбен тығыз байланыс орнату", - деді Денсаулық сақтау бірінші вице-министрі Тимур Сұлтанғазиев.
