Республикалық тас жолдардың 15 учаскесінде көлік қозғалысы шектелді
Елдің бірқатар өңірінде ауа райы бұзылып, күн күрт суыды деп хабарлайды stan.kz ақпарат агенттігі.ҚазАвтожол мәліметінше, қар тазалау жұмыстары тәулік бойы күшейтілген режимде жүргізіліп жатыр. Күн күрт суып кеткен күннен бастап шамамен 2 мың м3 көктайғаққа қарсы материал пайдаланылған.
Дәл қазіргі сәтте ауа райының қолайсыздығына байланысты республикалық трассалардың 15 учаскесінде жол қозғалысына шектеу енгізілді. Республикалық желіде 500 бірлік арнайы техника күтіп-ұстау жұмыстарын атқаруда.
Өткен тәулікте мамандар қар құрсауынан 65 көлікті шығарды.
