Түнгі рейд жұмыстары жалғасып жатыр
Аудан әкімінің орынбасары Күнтілес Айдарбекұлы жетекшілік ететін топ жасөспірімдерді тәртіпке шақырып, жастардың көптеп бас қосатын нысандарын аралады.Топ құрамында аудандық мәслихат депутаттары Арғын Орымбаев пен Абдуали Рахметов, аудандық ауыл шаруашылығы және жер қатынастары, кәсіпкерлік, өнеркәсіп және туризм бөлімі, аудандық білім бөлімі, полиция бөлімі және өзге де сала қызметкерлері болды.
Әйтеке би кентіндегі ойын алаңдары, саябақ, ойын-сауық орталықтары мен компьютер клубтарын аралаған топ түнгі клуб, кафе, бильярд, тойханалар мен мейрамханаларға да аялдап, түсіндірме жұмыстарын жасады.
Айта кетейік, аудан әкімі Мұхтар Оразбаевтың тапсырмасына сәйкес құрылған топтар алдағы күндері де түнгі рейд жұмыстарын жалғастыратын болады.
Қазалы ауданы әкімінің баспасөз қызметі
