Бүгін таңертең Қазнетке тағы кибершабуыл жасалды
«Мемлекеттік техникалық қызмет» АҚ бүгін таңертең Қазнетке тағы ауқымды түрде кибершабуылдар жасалғанын мәлімдеді, деп хабарлайды Azattyq Ruhy.«Бұл жағдай еліміздің барлық өңірінде интернетке қосылу жұмыстарына кері әсер етіп отыр. Қазіргі уақытта «МТҚ» АҚ-ның техникалық мамандары қауіптерді залалсыздандыру жұмыстарын жүргізіп жатыр», - делінген хабарламада.
Айта кетсек, бір күн бұрын компания өкілдері Қазнетке кибершабуылдар жасалғанын мәлімдеген болатын. Аталған жайтты елдегі қоғамдық оқиғалармен байланыстырғандар да болды.
Сонымен қатар 28 қыркүйекте интернеттің істен шығуы салдарынан әуе рейстері, оның ішінде Алматы әуежайынан ұшатын ұшақтар бір жарым сағатқа кешікті.
