Мәслихат депутаты жеке қабылдау өткізді
Бүгін "AMANAT" партиясы Қазалы аудандық филиалы Қоғамдық қабылдау бөлмесінде аудандық мәслихат депутаты Бөлебаев Райымбек Болатбекұлы бекітілген кестеге сәйкес аудан тұрғындарына жеке мәселелері бойынша кезекті қабылдауын өткізді.Қабылдау кезінде тұрғындар әлеуметтік сала аясында және тұрғын үй бойынша бірқатар мәселелерін көтеріп, сұрақтарымен жүгінді. Атап айтқанда, жеке қабылдауда болған жалғыз басты зейнеткер жатақханада тұратынын айтып, ай сайынғы ақысын төлеуде қиындық туындап тұрғанын жеткізді. Сондай-ақ, тұрғын үйге кезекке тұру, тиісті орындардан отбасылық жағдайына байланысты қандай да бір көмек алу бойынша кеңестер сұрады. Ал екінші тұрғынның мәселесі тұрғын үйді қайта салу және әлеуметтік көмек беру бағытында өтініштерін айтты.
Жеке қабылдауында көтерілген мәселелермен және тұрғындардың жағдайымен танысқан мәслихат депутаты қойылған сауалдар мен тұрғын үйді қайта салуға жәрдем сұраған тұрғынға түсіндірме жүргізіп, ал қалған өтініштер негізінде көмек көрсетіп, зейнеткерлердің ақ батасын алды.
#AMANAT
