Қазақстанда адам саудасына қарсы заң әзірленіп жатыр
Қазақстанда алғаш рет адам саудасына қарсы күрес туралы заң әзірленіп жатыр. Ішкі істер министрлігі қазір бұл қылмыс түрлеріне қатысты жеке заң жоқтығын түсіндірді, - деп хабарлайды Tengrinews.kz."Қазіргі басты бағыттарының бірі - Қазақстанда адам саудасына қарсы күрес туралы заң жобасын әзірлеу. Адам құқықтарын қорғау және адам саудасына қарсы күрес саласындағы халықаралық конвенцияларда ратификацияланған көптеген ереже ұлттық заңнамаға енгізілді. Бұл ретте елімізде жеке заң қабылданған жоқ", - деді Орталық коммуникациялар қызметінде өткен дөңгелек үстелде ІІМ Ұйымдасқан қылмысқа қарсы күрес департаменті бастығының міндетін атқарушы Қанат Нұрмағамбетов.
Тұжырымдаманы әзірлеу 2022 жылдың қыркүйегіне дейін жалғасады. Ал заң жобасы 2023 жылдың сәуірінде қабылданады деп жоспарланған.
