Грекияда туристерге арналған міндетті карантин алынып тасталды

Туристерге арналған жаңа ережелерді Грекия билігі жариялады. Енді шетелдік қонақтар міндетті карантинге жіберілмейді. Ел ішінде қозғалысқа ешқандай шектеулер жоқ, деп хабарлайды Zakon.kz.

Санитарлық хаттамалар COVID-19 контекстінде жаңартылды. Егер турист жеңіл түрде ауырып қалса, онда ол демалысын шектеусіз жалғастыра алады. Коронавируспен ауыратын науқастар тұратын жерінде бес күндік карантиннен өтуге міндетті емес.

Қонаққа өз бөлмесінде оқшаулану «ұсынылады». Қонақүй науқас туриске медициналық маска беруге, мемлекеттік санитарлық қызметтер мен дәрігерге хабарлауға міндетті. Ауыр науқастарды емдеу мекемесінде госпитализациялау қарастырылған.

Симптомсыз және ауруды жеңіл өткеретін туристердің таңдауы бар. Олар оқшаулана да, демалысын шектеусіз жалғастыра да алады.

Егер туристер карантинді өз еркімен таңдаса, олар бес күн бойы өз бөлмесінде болып, оны коронавирусқа қосымша диагностикалық тестілеусіз аяқтай алады. Грекиядағы қонақүйдегі карантин – енді ерікті таңдау.
Туроператорлар қауымдастығы
Грекияда науқас шетелдік қонақты басқа демалушылардан оқшаулауға мүмкіндік беретін жүйе енді жоқ. Елде обсерватория қонақүйлері жойылды.

Сонымен қатар ковидпен ауыратын шетелдіктердің ел бойынша қозғалысына шектеулер болмайды. Олар жоғары қорғаныс маскасын (FFP 2 немесе ΚΝ 95) киген жағдайда паромға, ұшаққа немесе басқа көлікке мініп, жүре алады.

Өткен аптада Грекияда күніне 18-19 мың COVID-19 жағдайы тіркелді. Жұқтырғандардың біразы негізінен елдің құрлық бөлігінде анықталды.

Қоғам

11 шілде 2022 ж. 341 0