Теміржолшылар өзгерістерді қолдайды
Бүгін республикалық референдумның маңыздылығын кеңінен түсіндіру мақсатында аудандық партия филиалы жанындағы штаб мүшелері Арғын Орымбаев және Талғат Әліпбаев Қазалы пайдалану вагон депосының мәжіліс залында темір жол саласының қызметкерлерімен кездесу өткізді.Кездесуде штаб өкілдері Ата Заңымызға енгізілетін өзгерістер мен толықтырулар жайында кеңінен тоқталып, Ел алдындағы, қоғам алдындағы жауапкершілікті сезіне отырып, референдумға қатысу арқылы елдің саяси дамуының келесі кезеңін қолдауға және Референдумға бір кісідей қатысуға шақырды.
Жиын соңында сала қызметкерлері осындай бетбұрысты маңызды кезеңде Ел болашағын айқындауға тікелей атсалысатындықтарын жеткізді.
