Референдум – ел болашағын айқындауға мүмкіндік береді
Бүгін «AMANAT» партиясы Қызылорда облыстық филиалы жанынан құрылған штаб мүшесі Тілеп Ібайдулла Тілепұлы ZOOM платформасы арқылы аудандық партия филиалы жанындағы бастауыш партия ұйымының төрағаларымен кездесу өткізді.Жиында Конституцияға енгізілетін өзгерістер және оның мақсаты мен күтілетін нәтижесі сөз болды.
«Алдағы референдум Қазақстанның болашағын айқындауға мүмкіндік береді. Бұл қадамдардың барлығы Ел Президентінің Қазақстан халқына Жолдауында айтылған реформаларды іс жүзінде жүзеге асыру болып табылады. Егер Конституциялық реформа қабылданса, онда саяси жүйе де елеулі өзгереді», - деп атап өтті І.Тілеп.
Жиын соңында облыстық штаб мүшесі тарихи оң өзгеріс жасауға әр азаматтың қатысуы маңызды екенін айтып, жалпыхалықтық референдумды қолдауға шақырды.
#ReferendumAMANAT
#ЖаңаҚазақстан #Конституция2022 #janaqazaqstan
