Саяси науқанның маңыздылығы түсіндірілуде
«AMANAT» партиясы Қазалы аудандық филиалы жанынан құрылған штабтың мүшелері Референдумды қолдау бойынша қазіргі таңда түрлі сала өкілдерімен кездесулер жасап, саяси науқанның маңыздылығын түсіндіруде.Бүгін «Арал Сарыбұлақ топтық су құбырын пайдалану» бастауыш партия ұйымында партия мүшелеріне жалпыхалықтық референдумның маңызы мен мәнін түсіндіру мақсатында аудандық мәслихат депутаты, штаб төрағасының орынбасары Әліш Ғазиз Әлмамбетұлы, аудандық мәслихат депутаты, штаб мүшесі Мұхаш Ерболат Сартайұлы кездесу өткізді. Кездесу барысында еліміздің тарихында екінші рет өткізілгелі отырған Конституцияға өзгерістер мен толықтырулар енгізу бойынша елімізде 5-ші маусымда болатын ең маңызды саяси іс-шара туралы толыққанды ақпарат берді. Штаб мүшелері референдум арқылы мемлекет пен қоғамның өзара іс-қимылының жаңа моделіне көшу жүзеге асырылатындығы туралы соның ішінде Жаңа Қазақстанды құрудағы референдумның рөлі туралы сөз етті. Сонымен қатар партия мүшелерін өз азаматтық ұстанымдарын білдіру мақсатында референдумға бір кісідей қатысуға шақырды.
#ReferendumAMANAT
