Бүгінгі ауа райы қандай болады – синоптиктер болжамы
Синоптиктер 29 сәуірге арналған ауа райы болжамын жасап, Қазақстан аумағында болатын метеорологиялық құбылыстар туралы айтты, деп хабарлайды Azattyq Rýhy.«Республика аумағының басым бөлігінде ашық, жауын-шашынсыз ауа райы сақталады, тек еліміздің оңтүстігінде, оңтүстік-шығысында, таулы аудандарында жаңбыр жауады, найзағай ойнап, дауыл болалы. ҚР бойынша желдің күшеюі, Қазақстанның оңтүстігінде шаңды дауыл соғады», - делінген «Қазгидромет» РМК баспасөз хабарламасында.
Түркістан облысының солтүстігінде, батысында, таулы аудандарында жел күші 15-20, күндіз екпіні 25 м/с жетіп, солтүстігінде, батысында шаңды дауыл соғады.
Жамбыл облысының оңтүстігінде, солтүстігінде, таулы аудандарында күндіз дауыл соғып, оңтүстік-батысында, солтүстік-шығысында, таулы аудандарында жел күші 15-20 м/с, екпіні 23-28 м/с жетеді.
Алматы облысының Алакөл көлдерінің ауданында жел күші 15-20, екпіні 23-28 м/с жетеді.
Ақмола облысының батысында жел 15-20 м/с жетеді.
Солтүстік Қазақстан облысының солтүстік-батысында, шығысында жел 15-20 м/с жетеді.
Қарағанды облысының оңтүстігінде жел күші 15-20, күндіз екпіні 25 м/с күшейеді. Қостанай облысының солтүстік-батысында жел күші 15-20, екпіні 23 м/с жетеді.
Батыс Қазақстан облысының оңтүстігінде, Ақтөбе облысының солтүстігінде, орталығында, Павлодар облысының орталығында төтенше өрт қаупі сақталады.
