Білім саласы өкілдерімен жолдау талқыланды
«AMANAT» партиясы Қазалы аудандық филиалы жанынан Ел Президенті, партия төрағасы Қасым Жомарт Тоқаевтың Қазақстан халқына арнаған «Жаңа Қазақстан: Жаңару мен жаңғыру жолы» атты жолдауын кеңінен талқылап, насихаттау мақсатында құрылған топ өкілдері, Қазалы ауданы бойынша білім бөлімінің мәжіліс залында білім саласы қызметкерлерімен кездесті.Жиынға аудандық партия филиалының Атқарушы хатшысы Нұрғиса Жалғасбаев, аудандық мәслихат хатшысы Бақытжан Жарылқап, аудандық мәслихат депутаттары Арғын Орымбаев, Жанат Көланова, Алтынкүл Құрақбаева, аудандық Жастар ресурстық орталығының директоры Асылхан Дәрібаев және білім саласының өкілдері қатысты.
Аталған жиын барысында бірқатар баяндамалар жасалып, қатысышулар тарапынан жан-жақты қолдаулар айтылып, қорытындыланды.
"ҚАЗАЛЫ" ақпарат
