Жуырда облыстық жастар саясаты мәселелері басқармасының «Жастар ресурстық орталығы» КММ-сі мен Қызылорда облысының «Жастар Одақтары» қоғамдық бірлестігінің ұйымдастыруымен 16 желтоқсан - Қазақстан Республикасының Тәуелсіздігі күні және Астана қаласының 20 жылдығына орай жастар керуені ауданымыздағы Ғани Мұратбаев және Қарашеңгел ауылдық округінде мерекелік шара өткізді. Шара барысында «Орталық студияда Бағлан Қалиев» жобасы Ғани Мұратбаев ауылында кездесу өткізіп, студия қонағы – аудандық мәслихат депутаты Бауыржан Тәңірбергенұлы болды. Жастар арасында түрлі сауалдар қойылып, пікір алмасты. Сонымен қоса, Қарашеңгел ауылдық округінде концерттік бағдарламамен жалғасын тапты.