Жамбыловтың айтуынша, әлеуметтік кәсіпкерлік кәсіп иесінің кірісін молайтуды көздемейді, оның мақсаты қызмет көрсету және тауар өндіру арқылы қоғамдағы әлеуметтік проблемаларды шешу.

"Қазақстанда әлеуметтік кәсіпкерлікті қолдау үшін бірқатар ынталандырушы шара бар. Мәселен, ерекше қажеттілігі бар қызметкерлер саны 51%-ке жететін ұйымдар корпоративтік табыс салығынан, әлеуметтік және жер салықтарынан босатылады. Сондай-ақ мүлікке салық салу кезінде жеңілдіктер жасалады", - деді Жамбылов орталық коммуникациялар қызметінде баспасөз мәслихатында.

Әлеуметтік кәсіпкер атанудың шарттарының бірі – халықтың әлеуметтік осал топтарын жұмысқа тарту.

Атап айтқанда, ерекше қажеттілігі бар адамдар, егде жастағы және зейнет жасына жақындаған адамдар, түрмеден босап шыққандар, жетім балалар және тағы басқалары.

Қаңтар айынан бері, оның сөзінше, республикада тек екі әлеуметтік кәсіпкер тіркелген. Екеуі де – Қарағанды облысында.

Бірақ әр тоқсан сайын реестр жаңарады. Өңірлік комиссиялар әлеуметтік кәсіпкерлік субъектілерінің өтінішін қарап, ұлттық экономика министрлігіне өткізеді. Кейін ведомство оларды реестрге тіркейді.

Жамбылов әлеуметтік кәсіпкерлікке қосымша ақша бөлінбейтінін атап өтті. Қаржы бизнесті қолдаудың қолданыстағы тетіктері аясында қарастырылып қойған. Айта кетері, бүгінде Ұлыбритания, АҚШ, Оңтүстік Корея елдерінде жақсы дамыған.