Елімізде бизнес бастауға берілетін гранттың көлемі ұлғайды

Қазақстанда жастар мен әлеуметтік осал топтарға берілетін гранттың көлемі ұлғайды.
Еңбек және халықты әлеуметтік қорғау министрлігі 11 қаңтарда Парламент Мәжілісінің отырысында мемлекет басшысының халыққа көрсетілетін жұмыспен қамту шараларының тиімділігін арттыру бойынша берген тапсырмаларын орындады.2016 жылғы бұйрыққа енгізілетін өзгерістер аясында жастарға және халықтың әлеуметтік осал топтарына берілетін бизнесті дамытуға арналған грант көлемін 400 АЕК-ке дейін (2022 жылы – 1,2 миллион теңге) ұлғайту көзделген. Грант жастар мен халықтың әлеуметтік осал топтарын өз ісін ашу үшін бастапқы құралдармен қамтамасыз етеді.Ағымдағы жылы барлығы 20 мың адамға грант беру жоспарланып отыр.