Үздік ұстаздарға қаржылай сыйақы табысталды
Қызылорда қаласында өткен ұстаздар күніне арналған «Ұстаз аты – биік, әрі мәңгілік» атты салтанатты жиында облыс әкімі Гүлшара Әбдіқалықова аймақтағы үздік ұстаздарға 300 айлық есептік көрсеткіш мөлшеріндегі қаржылай сыйақыны табыстады.Қомақты қаржылай сыйақыға ие болғандардың қатарында тамыры терең, тарихы кенен – Қазалы ауданының ұлағатты ұстаздары да бар.
Атап айтар болсақ, «Үздік педагог – 2021» облыстық байқауының жеңімпазы атанған аудандық оқушылар үйінің «Өлкетану» үйірмесінің жетекшісі Әлішева Жанаркүл Жүрсінәлиқызы мен №16 мектеп-лицейдің химия пәнінің мұғалімі Жексембиева Эльмира Ақжігітқызы 875 мың теңге көлеміндегі қаржылай сыйақыға ие болды.
Аймақ басшысы сонымен қатар №170 орта мектептің математика пәнінің мұғалімі Аймағамбетова Күләш Пірімжанқызын «Қызылорда облысының білім беру саласын дамытудағы еңбегі үшін жергілікті ерекшелік белгісімен» марапаттады.
"ҚАЗАЛЫ" ақпарат
