Алайда құрбандар мен зардап шеккендер саны көбейген. Оған карантин кезеңінде өзін-өзі оқшаулау әсер етті. Алдағы жылыту маусымындағы қауіпсіздік шараларын қамтамасыз ету үшін 15 тамыздан бері республика аумағында рейдтер жүріп жатыр. Белгілі болғандай, елдегі 107 мың жер үйде әлсіз топтағы азаматтар тұрады. Олардың 2000-ға жуығында төтенше жағдай қызметкерлерімен жұмыс істеуге қарсылық білдірген. Акциялар мен рейдтер жалғасады. Ерлан Төрегелдиев, ҚР ТЖМ өртке қарсы қызмет комитетінің басқарма бастығы: – Тұрғын үйлерде 4000-нан аса өрт орын алды. Өткен жылыту маусымында осындай өрт 9 процентке көп тіркелген. Атқарылған жұмыстар жемісін беріп, соңғы екі жылда әлеуметтік жағдайы төмен отбасылардың баспаналарында өрт қауіпсіздігіне қол жеткізілді. Биыл да осындай шараларды жалғастырамыз.