Өткен жылы 42 елді-мекеннің аумағына тоталды түрде зоопаразитологиялық зерттеулер жүргізіліп, 12-сі (Қ.Пірімов, 99, 101 бекеттер, Басықара, Абай, Шитүбек, Үйрек, Жанкент, Аранды, Қожабақы, Сарбұлақ және Көбек) қолайсыз елді-мекендерге жатқызылды.

Аурудың табиғи ошақтарына күзгі эпидмаусымға байланысты ағымдағы жылдың 26 тамызынан бастап 14 қыркүйекке дейінгі аралықта мердігер мекеме «Дезинфекция-К» ЖШС «Дизицип» инсектоакарицидтік ерітіндісімен залалсыздандыру жұмыстарын атқарады.

Ал, қолайсыз елді-мекендер санатына кірмеген ауыл тұрғындары өз қаражаттары есебінен залалсыздандыру жұмыстарын жүргізуі қажет.

Тағы бір айта кететін жайт, кенеге қарсы сапалы өңдеулердің бір түрі - ауылшаруашылығы жануарларының денесіндегі сыртқы және ішкі паразиттерді қатар өлтіретін акарацидтік препараттарды (ивамек, т.б.) ветеринар мамандардың көмегімен алуға болады.