Pfizer вакцинасын балаларға да салдыруға бола ма?
Қазақстандықтарды көптен күттірген Pfizer вакцинасы елге төртінші тоқсанда келуі керек.Бұл екпе 12 жастан жоғары балаларға да қолдануға болатындықтан да сұранысқа ие болуы мүмкін.
Бұл туралы брифингте қоғамдық денсаулық сақтау ұлттық орталығы төрағасының орынбасары Айнагүл Қуатбаева айтып өтті.
Бүгінде Қазақстанда коронавирусқа қарсы вакцинаның төрт түрі қолданылады: QazVac, Sputnik V, Hayat-Vax және CoronaVac. Бұдан басқа, биыл күзде Қазақстанға Pfizer және Sputnik Light вакциналарын жеткізу туралы келісімдер де жолға қойылған.
Ендігі жерде балаларды да вакциналау мүмкіндігі қарастырылуда. Әрине, оның барлығы тек қана ата-ананың келісімімен іске асырылуы мүмкін.
Сонымен қатар Sputnik Light бір компонентті вакцинасы халықты вакциналау уақытын қысқартады және ұжымдық иммунитетті тез қалыптастырады деген үміт бар.
