Бірлікті елде береке озады
Елімізде тұңғыш рет ауыл әкімін таңдау мүмкіндігінің жергілікті тұрғындарға тапсырылуы озық өркениет үлгісі. Сайлау - бүгінгідей қиын уақытта халық ретінде ұйыстыратын бірлік пен болмыстың сындарлы сыны болып табылып отыр.Тәуелсіздіктің соңғы он жылдығы "Мен елден не аламын?" емес, "не беремін?" деген масылдықтан арылтып, ортақ мүддеге сана тоғыстыруға дағдыландырды. Осы бағытқа жол салатын әкімдерді тікелей таңдау - халық үшін жасалған мол мүмкіндік, елдік бастама.
Жұртымызда: "Ырыс, қайда басарсың?" - дегенде: "Ынтымағы артқан елге барамын", - деген тәмсіл бар. Ендеше "Жұмыла көтерген жүк жеңіл" деп ел абыройын асқақтатар айтулы істе озық ойлылық, жауапкершілігіміздің жарқын үлгісін көрсетейік.
Ажаркүл АЛДАЖАРОВА,
Қазалы ауданының құрметті азаматы,
ауылшаруашылығы саласының ардагері
