Оның айтуынша, жаңа жүйе бойынша үстемеақы алатын медициналық қызметкерлер анықталатын болады.Вице-министр тәжтажалмен күресте алдыңғы шепте жүрген медицина мамандарына қатысты бұйрық жобасының әзірленіп жатқанын алға тартты.

Бұл мәселені министрлік Мемлекет басшысының тапсырмасы бойынша пысықтап жатыр. Бұйрық жобасы әзір. Сол жоба арқылы үстемеақы алатын медицина мамандарының санаттары көрсетілген. Жоба қызу талқылану үстінде. Ол медицина ұйымдары мен денсаулық сақтау басқармаларында ғана емес, «Ашық НҚА» базасында да жарияланған, - деді Ажар Ғиният.

Сонымен қатар санаттардың тізбесі кеңейтілген. Олардың қатарында дәрігер-реаниматологтар, анестезиологтар, инфекционистер, анестезистер, эпидемиологтар, психологтар мен бастапқы медициналық-санитарлық көмектің әлеуметтік жұмысшылары, ядролық медицина орталығының қызметкерлері, паталогоанатомдар бар.

Айта кететін жайт, бұл тізімге енген мамандарды өңірлерден ұсынған. Жоба әлі де талқыланып жатқан көрінеді.Бұған дейін Қазақстанда коронавирустан қанша бала қайтыс болғаны айтылды.