Ведомствоаралық комиссиясының 2021 жылғы 16 маусымдағы шешіміне және Индустрия және инфрақұрылымдық даму министрлігінің 2021 жылғы 18 маусымдағы хатына сәйкес жолаушылар пойыздарының жүру жиілігі артады: №68/67 «Нұр-Сұлтан Нұрлы жол – Өскемен-1» аптасына 1 рет орнына Нұр-Сұлтан – Нұрлыжолдан 23 маусымнан бастап күн сайын жүреді; №351/352 «Алматы-2 – Өскемен-1» күнара қатынаудың орнына Алматы-2-ден 23 маусымнан бастап күн сайын қатынайды. Айта кетейік, жолаушылар пойыздарының қозғалыс кестесі бойынша барлық өзекті ақпаратты «105» нөмірі бойынша, Bilet.railways.kz сайтынан білуге болады.