Мемлекеттік рәміздер – халқымыздың биік рухын, ұлттың салт-санасын, қаһармандығы мен даналығын, болашаққа үмітін, арман-тілегін бейнелейтін, дархан даламыздың өткені мен бүгінін және келешегі арасындағы сабақтастықты бір арнаға сыйдыратын айрықша құндылықтар.

Бiздiң санада «бiр тудың астына бiрiгу» ұғымы текке қалыптасқан жоқ. Мемлекеттiк мерекелер мен спорттық жеңiстер сынды Отан үшiн маңызды сәттерде рәмiздер ұмыт қалған емес. Ресми халықаралық шараларда Гимн шырқалып, көк Туымыз көкке көтерiлгенде, әр қазақстандықтың жүрегiн ерекше мақтаныш сезiмi кернейдi. Біз оны әрдайым зор құрметпен ұрпақтан-ұрпаққа табыстайтын боламыз.

Ардақты ағайын!

Тәуелсіздік алған 30 жыл ішінде бұл күн барлық отандастарымызды біріктіріп, бүкілхалықтық мейрамға айналды. Осының арқасында еліміздің әрбір азаматының бойындағы ұлттық сана-сезім, Отанына, өз халқына деген мақтаныш пен патриотизм одан әрі дами түсуде.

Тәуелсіздігіміз баянды, бірлігіміз бекем болсын! Жігерін еңбекке жаныған халқы бар еліміздің ертеңі жарқын болғай!

Көк туымыз көкте мәңгі желбірей берсін!