Қазалы Қазалы аудандық қоғамдық-саяси газет
» » Қоғамдағы мұғалім мәртебесін қалыптастыратын уақыт жетті – депутат

Қоғамдағы мұғалім мәртебесін қалыптастыратын уақыт жетті – депутат

Қазақстан Республикасы Парламент депутаты, саясаттанушы Ерлан Сайыров қоғамдағы мұғалім мәртебесі туралы ойын айтты.
Біздің бала кезімізде мұғалімнің қадір-қасиеті ерекше болды. Мектеп директоры дегеніміз моральдық шоқтығы биік тұлға еді. Мұғалімнің қоғамдағы орны, оның оқушылардың алдындағы авторитеті өте жоғары болды. Осы тенденцияны сол кездегі ата-ана институты қолдап, қолпаштап отырды.
Бүгіндегі «мұғалімдердің қоғамдағы орны қандай?» деген сұрақ маңызды, сапалы ұлт болып дамимыз десек, мұғалімдердің елдегі, қоғамдағы, оқушылар алдындағы моральдық, рухани ролін арттыру қажет - деді депутат.
Мемлекет шама-шарқы жеткенше мұғалімдердің жалақысын арттырып жатыр, мектептердің материалдық жағдайын түзеуге де көңіл бөлінуде.
Бірақ ең негізгі аспект, мұғалімдердің оқушы алдындағы беделі. Мұғалімнің беделін арттырып, өсіру үшін мелмекеттің күш-жігері жеткіліксіз. Қоғам, азаматтар, ата-ана институттары бірігіп тер төгіп, еңбек етуі тиіс - дейді Ерлан Сайыров.
Мұғалімдердің рухани, моральдық келбеті де өзгеруі тиіс.
Ұстаздыққа қоғамның бетке ұстар азаматтары бет бұруы керек. Менің ойымша, келешек ұрпақтың бет-бейнесін жасайтын ұстаздар институтын жаңғыртып, олардың қоғамдағы ролін арттырып, оқушыларға мұғалімді сыйлау ең басты міндет екендігін түсіндіріп, осы мәселеге жалпы халық болып көңіл бөлетін уақыт жетті. Бұл қоғам, азаматтар, ата-аналардың бірегей міндеті - деді саясаттанушы.
19 мамыр 2021 ж. 366 0

Жаңалықтар мұрағаты

«    Қыркүйек 2022    »
ДсСсСрБсЖмСбЖс
 1234
567891011
12131415161718
19202122232425
2627282930 
  • Қытайда екі миллиардтан астам вакцина салынды