Қазалы Қазалы аудандық қоғамдық-саяси газет
» » Мұғалім мәдениеті – ұжым беделі

Мұғалім мәдениеті – ұжым беделі

“Мектептің жаны – мұғалім. Мұғалім қандай болса, мектеп сондай болмақшы” деп А.Байтұрсынов айтқандай, ең алдымен мектеп өмірінің қалыптасуына мұғалімдердің ықпалы зор. Осы орайда Жанқожа батыр атындағы №70 орта мектепте “Мектеп мәдениеті мен әлеуетін жақсартудағы мұғалімнің рөлі” тақырыбында мектеп тренері Жанат Сисенбайдың ұйымдастырумен коучинг өткізілді. Коучингтің мақсаты – жалпы мектеп мәдениетінің ұжым ахуалын қалыптастырудағы маңызы, мазмұны мен алатын орны туралы түсінік қалыптастыру. Оған әсер ететін факторларды анықтау арқылы жақсартудың тиімді жолдарын қарастыру, мұғалім, оқушы және ата-ана мүддесі тұтастығының білім беру қызметіндегі маңыздылығын талдау.
Шара барысында мектеп мәдениеті – бұл ұжым мүшелерінің қабылдаған рухани, мәдени құндылықтардың жүйесі екені және өз ретінде олардың ойлауындағы, сезімдеріндегі, іс-әрекеттеріндегі негізгі ұстаным, бағдар беруші және жол сілтеуші, нәтижесінде мектептегі қалыптасқан ынтымақты орта және жағымды психологиялық жай екендігі айтылып, ішкі және сыртқы мәдениеттің өзіндік ерекшеліктері слайдтар арқылы түсіндірілді. Коучингке 4 топтан құралған мектеп мұғалімдері қатыстырылып, мұғалім мен ата-ана, мұғалім мен шәкірт, мұғалім мен мұғалім арасындағы қарым-қатынасты қалыптастыру туралы тың ойларымен, креативті идеяларымен бөлісе келе, мектеп мәдениетін жақсартуға байланысты ұсыныстарын жеткізді. Сондай-ақ, мұғалімдер: адалдық, әділдік, өзінің абыройын және қадір-қасиетін құрметтеу, жалпы адами құндылықтарды сақтау, кәсіби ізденісті дамыту секілді педагогикалық әдептің негізгі қағидасын талдады.
Іс-шараны №70 мектеп директорының оқу ісі жөніндегі орынбасары Райхан Сәдуахас қорытындылады.
Бақыткүл ЖАЙШЫЛЫҚОВА,
Жанқожа батыр атындағы №70 мектептің
қазақ тілі мен әдебиеті пәнінің мұғалімі
04 қараша 2019 ж. 55 0

Жаңалықтар мұрағаты

«    Қараша 2019    »
ДсСсСрБсЖмСбЖс
 123
45678910
11121314151617
18192021222324
252627282930