ШТАБ МҮШЕЛЕРІ ҚАЛА ТҰРҒЫНДАРЫМЕН КЕЗДЕСТІ
Республикалық сайлауалды штабының мүшелерінің тұрғындармен кездесуі Қазалы қаласындағы мәдениет үйінде өтті.Қала тұрғындарымен өткен кездесуде «Өрлеу» біліктілікті арттыру ұлттық орталығы» АҚ-ы филиалы Қызылордаоблысы бойынша педагог қызметкерлердің біліктілігін арттыру институтының кафедра меңгерушісі Баймырза Қожамберлиев пен «Nur Otan» партиясы Қызылорда қаласы «Теміржол» филиалы төрағасының бірінші орынбасары , «Nur Otan» партиясы Саяси кеңесінің мүшесі Танбаева Базара Ермағанбетқызы сөз сөйлеп, партияның осы уақытқа дейін ел-халыққа жасаған қызметі жайында айтып, партияның алдағы 5 жылға жоспарлаған бағдарламасын кеңінен таныстырды.
Өз кезегінде сөз алған облыстық мәслихат депутаты Ибайдулла Тілеп, тәуелсіздік алған жылдары Қазалы қаласында атқарылып жатырған игі істерді алға тартып, бұл істер мұнымен тоқтамайтынын айтып, ел-халықтың игілі мен берекесі үшін "Nur Otan" партиясына дауыс беруге шақырды.
"ҚАЗАЛЫ" ақпарат
