Жастар кеңесі зиялы қауым өкілдерімен кездесті
"Nur Otan" партиясы Қазалы аудандық филиалының мәжіліс залында, партияның "Жастар Отанға!" жобасы аясында Қазалы ауданының білім және ғылым кәсіподағы жанынан құрылған "Серпін" жастар кеңесінің белсенді мүшелері зиялы қауым өкілдерімен кездесті.Кездесуді аудандық партия филиалы төрағасының бірінші орынбасары Мәмбетжан Қасқырбек Өмірзақұлы ашып, жүргізіп, шараның маңыздылығына кеңінен тоқталып өтті.
Зиялы қауым өкілдерімен кездесу барысында аталған ұйымның белсенді мүшесі, № 249 мектеп лицейдің мұғалімі Меңдібаев Мейірман Төребекұлы сөз алып, жастар тарапынан, өз әріптестірінің ұсыныстарын айтып, ойын ортаға салды.
Кездесу барысында жастар кеңесінің мүшелері аға буынға алғыстарын айтып, болашақта білімді шәкірт тәрбиелеу жолында аянбай еңбек ететіндіктерін жеткізді.
Қазіргі таңда "Серпін" жастар кеңесінің 400-ге жуық мүшесі бар. Олардың 7-еуі ұйымға тұрақты әрі белсенді түрде жұмыс жасайтын жастар.
«ҚАЗАЛЫ» ақпарат
