Қазалының кірпішіне сұраныс артуда
Қазалыда күніне 12 мың кірпіш шығаратын шағын цех жұмыс істеп тұр.Құрылыс жұмысына қажетті материалды «Тоғыс Арал отын» ЖШС шығаруда. Қазіргі таңда мұнда 30-ға жуық жұмысшылар еңбек етуде. Жергілікті өнімнің бағасы да тұрғындар үшін қолжетімді. «Тоғыс Арал отын» ЖШС директоры Мейрамбек Жұмашевтың айтуынша, Қазалыдағы цехта шығарылған кірпіштер әзірге Қарағанды мен Жезқазған қалаларына тапсырыспен жөнелтілуде.
Бүгін аудан әкімі Мұрат Ергешбаев кірпіш шығаратын цехтың жұмысымен танысты. Серіктестік басшысы аудан әкіміне цехқа қажетті шикізатты Арал ауданының Ақбай ауылы маңынан әкелетінін жеткізді.
"ҚАЗАЛЫ" ақпарат
