Қазалы Қазалы аудандық қоғамдық-саяси газет
» » Басты қорған – береке-бірлік!

Басты қорған – береке-бірлік!

Елбасы Н.Ә.Назарбаев әлемді дүр сілкіндірген қауіпті дертті ел болып еңсеріп, жұрт болып жұмылу арқылы жеңетінімізге сеніп, барша қазақстандықтарға ақ тілеуін арнады.
Тұңғыш президент Нұрсұлтан Әбішұлы өз сөзінде Батыр Бауыржан Момышұлының: “Тәртіпсіз ел болмайды, тәртіпке бас иген ел құл болмайды”, - деген қанатты сөзін бекер тілге тиек еткен жоқ. Мұның астарында қанша мән жатыр. Ел басына қиын-қыстау заман туғанда «арым жанымның садағасы» деп еңбек етіп жатқан дәрігерлер мен тәртіп сақшыларына барынша қолдау көрсетіп, тәртіпке бағынсақ, біз жеңбейтін жау жоқ. Сондықтан, үрей туғызбай, жұртты тыныштыққа шақырып, әрбіріміз жұмылған жұдырықша бірге болуымыз қажет.
Әрине, қазіргі жағдай баршамызға ортақ ауыртпашылық тудырып отыр. Бірақ, береке-бірлік пен ортақ мүдде болған жерде алынбайтын асу жоқ. Өткенімізді парақтап қарасақ, әр дәуірде мемлекет құраушы ұлттардың алдына үлкен сынақ жиі кездесіп отырған. Тәуелсіздік жылдарында да ондай сынақтың талайын жеңдік. Ел-халықты есеңгіретін, әбігерге салған келеңсіздіктен аман-есен шығып, болашақ мақсаттарымызды баянды жүзеге асырамыз десек, қанағатшылдық және жалпы ұлттық құндылық пен ынтымақты ту еткен береке-бірлікті сақтауымыз керек.
Гүлдәрі ИМАНАЛИЕВА,
«Қазалы-Жомарт» қоғамдық бірлестігінің төрайымы
Қазақстан Журалистер Одағының мүшесі
08 сәуір 2020 ж. 152 0

Жаңалықтар мұрағаты

«    Мамыр 2020    »
ДсСсСрБсЖмСбЖс
 123
45678910
11121314151617
18192021222324
25262728293031