Қазақстанда жемқорлық туралы хабарлап, 10 млн астам теңге алуға болады
Енді жаңа жүйе бойынша жемқорлық туралы хабарлаған қазақстандықтар параның 10 пайызы мөлшерінде сыйақы ала алады. Бұл туралы Жемқорлыққа қарсы агенттіктің төрағасы Алик Шпекбаев айтты.
Оның айтауынша, мұндай шешім таяуда үкіметте қабылданған.
"Енді сыйақы мөлшері ЭЫДҰ елдеріндегідей белгіленеді. Жемқорлық жайлы хабарлаған адам айыптау үкімі шыққан соң параның 10 пайызын ала алады", - деді ол.
Шпекбаев сыйақы мөлшері 10 миллион 600 мың теңгеге дейін жететінін айтты.
