Қазалы аудандық орталық ауруханасы туберкулез ауруымен ауыратын азамат С.-ға қатысты мәжбүрлі түрде емдетуге жіберу туралы арызбен аудандық сотқа жүгінген.

Іс құжаттарында азамат С. өкпе туберкулезінің жұқпалы түрімен ауыратын, ауруы ауа тамшылы жолымен таратылатуына байланысты қоршаған ортаға аса қауіпті, дәрігерлермен тағайындалған емін ауруханадан алуға қарсы, туберкулездің жұқпалы түрімен ауыратын науқас екені анықталған.

«Халық денсаулығы және денсаулық сақтау жүйесі туралы» Кодекстің 107-бабы 1, 2 -бөліктеріне сәйкес, туберкулездің жұқпалы түрімен ауыратын азаматтарды мәжбүрлеп емдеу пациенттерді мамандандырылған туберкулезге қарсы ұйымдарда оқшаулау арқылы туберкулезге қарсы және симптомдық емдеуді қамтиды.

Осы Кодекстің 107-бабының 3-бөлігіне сәйкес, туберкулездің жұқпалы түрімен ауыратын және емделуден жалтаратын азаматтарды мәжбүрлеп емдеу туралы шешімді денсаулық сақтау органдарының (ұйымдарының) ұсынысы бойынша сот қабылдайды.

Сот шешімімен аудандық аурухананың арызы қанағаттандырылып, азамат С. Қармақшы аудандық туберкулезге қарсы мәжбүрлеп емдеу ауруханасына емделуге жіберілді.