Әйтеке би кентінің жаңа шағын ауданында инженерлік инфрақұрылым әзірленуде
Қазалы ауданының әкімшілік орталығында «Аймақаш» жаңа шағын ауданының құрылысы жоспарлануда. Бірақ бұл жер учаскелеріне дейін Әйтеке би кентінде жеке тұрғын үй құрылысына бөлінген инженерлік инфрақұрылым желісін тарту қажет.«Аймақаш» шағын ауданын жоспарлау жобасына сәйкес республикалық және облыстық бюджеттен 243 млн. теңге бөлінді.
Аудандық әкімдіктің баспасөз қызметі хабарлағандай бұл қаражатқа 5,2 км газ құбыры жүргізіліп, 4 км астам электр желілері, сондай-ақ 6,7 км су құбыр желілері тартылады. Сонымен қатар ұзындығы 5,9 км автожол құрылысын қаржыландыру жоспарланған. Тіпті қазірдің өзінде тиісті қаржылық өтінім берілді.
Инженерлік коммуникациялар жүргізілгеннен кейін 115 жер учаскесі «Аймақаш» шағын ауданында жеке тұрғын үй құрылысына бөлінген жер телімдерінде кезекте тұрғандарға берілетін болады.
