Небәрі 2000 долларға үш сағатта салынған бұл үйлер үш жүз жылға шыдас береді
Жапония мамандары үш жүз жылға шыдас беретін берік үйді небәрі үш сағатта салып шығудың жолын тапты. Бір қызығы мұндай үйді тұрғызуға бар-жоғы 2000 доллар кетеді.
Japan Dome House компаниясы 15 жыл бойы пенопласттан ерекше үй салуда.2016 жылы Кумамотода 7 балдық жер сілкінісі болғанда барлық дерлік үйлер қирап қалады.
Ал Aso Farm Land шипажайында пенопласттан тұрғызылған 480 үй жойқын жер сілкінісіне төтеп бере алған.
Дөңгелек пішіндес үйлер жер сілкінісіне өте төзімді келеді.
Алдымен пенопластты өртке төзімді сұйықтыққа малады.
Бұл оның өртке қарсы тұра алуына көмектеседі.
Кейін үйдің қаңқасын тұрғызып, адам өміріне ыңғайлы етеді.
Небәрі 2000 долларға салынатын бұл үйлер 300 жылға шыдас береді дейді мамандар.
