Қытайда полиция жоғалған баланы тапты. Оның қолына анасының телефон нөмірі тату арқылы жазылған.

Баланы Вэньчжоу мен Тайчжоу қаласының арасында адасып жүрген жерінен тапқан. Оның қолына татумен жазылған екі нөмір болған. Бірақ біреуі сызылып тасталған.

Бала бірнеше күн бұрын үйінен жоғалып кеткен. Ол өзінің аты кім екенін, қайда тұратынын айта алмаған. Сол кезде тәртіп сақшылары баланың психикалық ауытқуы бар екенін сезіп, қолындағы нөмірге хабарласқан.

Қоңырауға баланың анасы жауап беріп, бөлімшеден баланы алып кеткен. Бала ата-анасы ұйықтап жатқан кезде үйден қашып кетіп, қайтар жолды ұмытып қалған.

Ал анасы ол адасып қалған жағдайда оны тауып алған кез келген адамның өзіне хабарласуы үшін баласының қолына өзінің телефон нөмірін татумен жазып қойған.

Дереккөз: https://lenta.ru/