Ұйқылы ояу төрт жасар сәби бесінші қабаттан құлап кетті
Бұл туралы Оқыс оқиға 17 сәуірде Ақтау қаласындағы 31А шағын ауданындағы №4 үйдің бесінші қабатындағы пәтерлердің бірінде болды. Биіктіктен құлаған төрт жасар бала травматология орталығына жатқызылды.
Оқиға орнына шақыртылған жедел жәрдем тобы төрт жасар баланы облыстық балалар ауруханасының жансақтау бөліміне әкелді.
18 сәуір күні таңертең жансақтау бөлімінде жатқан бала травматология бөліміне ауыстырылды.
Бейресми дереккөзге сәйкес, оқиға болған кезде баланың анасы жұмыста болған, ал әкесі үлкен ұлын мектепке алып кеткен. Сол уақытта пәтерде жалғыз өзі қалған төрт жасар сәби ұйықтап жатқан екен.
Ол ұйқыдан оянғаннан кейін, осы оқыс оқиға орын алды. Ұйқылы ояу бала бесқабатты пәтердің күнқағарына құлап кеткен. Дәрігерлер келгенге дейін пәтер тұрғындары баланы құлаған жерден алып шықты.
