Таңертең миссия мүшелері Ақдам арқылы Аскеран-Ханкенди бағытында өтті, - делінген басылымның жазбасында.

Миссия құрамына БҰҰ-ның әртүрлі агенттіктерінің өкілдері кіреді. Миссияның мақсаты – жергілікті жағдаймен танысу және тұрғындардың гуманитарлық қажеттіліктерін анықтау.

Басылым БҰҰ-ның миссиясы соңғы рет шамамен 30 жыл бұрын Таулы Қарабақта болғанын атап көрсетеді.

Бұған дейін, 29 қыркүйекте Армения Әзірбайжанға қарсы БҰҰ сотына шағым түсірген болатын. Армян тарапының пікірінше, Таулы Қарабақтағы жағдайға армян халқына қатысты Нәсілдік кемсітушіліктің барлық түрлерін жою туралы халықаралық конвенцияны бұзу себеп болды. Ереван БҰҰ сотын Әзірбайжанның этникалық армяндарды Таулы Қарабақтан ығыстыруға бағытталған әрекеттерді жасаудан тікелей немесе жанама түрде бас тарту және оған қатысты уақытша шаралар қабылдауға бұйрық беру міндеттемесін растауға шақырды.

Ал 19 қыркүйекте Әзірбайжан Қорғаныс министрлігі Таулы Қарабақта жергілікті сипаттағы терроризмге қарсы іс-шаралардың басталғанын жариялады. Әзірбайжан СІМ Таулы Қарабақта бейбітшілікке жетудің жалғыз жолы – армян әскерлерін сол жерден толық шығару деп мәлімдеді. Келесі күні қақтығысушы тараптар әскери қимылдарды толығымен тоқтату туралы келіскені белгілі болды.

Содан кейін Таулы Қарабақ Республикасының жетекшісі Самвел Шахраманян 28 қыркүйекте Жарлыққа қол қойды, оған сәйкес танылмаған республика 1 қаңтардан бастап өмір сүруін тоқтатады. Осыдан кейін Таулы Қарабақ тұрғындары, соның ішінде республикадан тыс жерлерде тұратындар, Әзірбайжан енгізген реинтеграция шарттарымен танысуы керек.