Елдің бес өңіріне қатысты дауылды ескерту жарияланды
Қазақстанда 4-6 мамыр аралығында таулы өңірлерде қатты нөсер жауатынын, найзағай ойнайтынын әрі дауыл тұратынын ескертеді, деп хабарлайды «Қазгидромет» РМК.Синоптиктер Алматы облысының таулы аудандарында және Алматының іргелес аумақтарында өзендердегі су деңгейінің көтерілуін, ой-шұңқырлы жерлерге судың көптеп жиналуын болжайды.
Қарағанды облысының шығысында, орталығында найзағай ойнайды деп күтіледі.Солтүстік-шығыстан соққан желдің екпіні 15-20 м/с жетеді.
Қызылорда облысының шығысында күн күркіреп, дауыл тұрады. Қызылордада найзағай ойнайды.
Таразда найзағай ойнап, оңтүстік-батыстан жел соғады, екпіні 15-20 м/с жетеді.
5 мамырда Жамбыл облысының таулы аудандарында қатты жаңбыр жауады. 4-6 мамырда облыстың солтүстігінде, оңтүстігінде, таулы аудандарында найзағай жарқылдап, бұршақ түседі, дауыл болады. Оңтүстік-батыстан солтүстік-шығысқа ойыса соққан желдің таулы аудандардағы екпіні 15-20 м/с құрайды, 4 мамырда жел күшейіп, екпіні 25 м/с жетеді, – делінген «Қазгидромет» РМК мәліметінде.
