Францияның Перпиньян қаласында кішкентай балаларын кір машинасына салып тербеткен жас жұбайларға айып тағылды.

Бұл туралы The Local хабарлайды.

Отағасының айтуынша, ол сәбиін бесікте тербеткендей тербетіп көргісі келіпті. 1 жас 3 ай толған бала алған жарақаттарымен ауруханаға жеткізілгеннен кейін, тексеру басталып кеткен. 19 жастағы анасы қыз бала ойнап жүріп құлап қалды деген. Алайда дәрігерлер оның айтқанына сенбей, полицияға хабар береді.

Кейін тергеушілер 22 жастағы күйеу жігіттен сұрау алып, ол баланы кір машинасына салғанын мойындайды. Ер адамның айтуынша, ол сәбиді кір машинасының ішіне жатқызып, сосын қолымен тербете бастапты. Кейінірек анасы да оқиғаның көз алдында болғанын, бірақ кедергі жасамағанын айтып мойындапты.

Әйелдің айтуынша, азаматтық некедегі күйеуі оны өлтіремін деп қорқытқан соң еш қарсылық көрсете алмаған. Қазіргі таңда бала зардап шегуші бала отбасыдан алынып, қамқорлық органдарының қолына өтті. Ер адамға балаға дөрекі түрде қарап, отбасылық зорлық жасағаны үшін айып тағылды. Ал әйел болса, жағдайды көре тұра еш қарсылық жасамағаны үшін кінәлі деп танылды.