Анасы аяусыз ұрған 3 жасар бала есін жимастан көз жұмды

Комаға түскен 3 жасар бала емханада көз жұмды.

Қырғызстанның Ош қаласында 3 жасар бала 11 ақпан күні емханада мерт болды. Елдің Денсаулық министрлігінің мәліметінше, 5 ақпан күні 24 жастағы әйел өз ұлын аяусыз ұрып, кейіннен емханаға әкелген. Ол баласының сатыдан құлап қалғанын айтып сендірген. Алайда бүлдіршіннің бас-ми жарақатын алғаны, бүйрегі мен бұғанасы сынғаны анықталды.

«Дәрігерлер тиісті ем жүргізгенімен бүлдіршін 11 ақпан күні көз жұмды. Оның басы қатты жарақаттанған», – деп мәлімдеді министрліктегілер.

Анасы қамауға алынған соң сәби қалалық әлеуметтік қорғау басқармасының қарамағында болды.