Британдық ғалымдар 32 мың әйелдің денсаулығы мен олардың жейтін тамағын зерттеген. Олар орташа алғанда 17 жыл дәрігерлердің бақылауында болыпты. 335 әйелде тоқ ішегінің қатерлі ісігі, 119 әйелде тік ішек обыры анықталған. Маңыздысы, құс еті мен балық жеген немесе еттен мүлдем бас тартқан әйелдердің арасында тік ішек қатерлі ісігіне шалдығу қаупі 35 пайызға төмен болып шыққан.

"Біздің зерттеу еттің асқазан-ішекке қалай әсер ететінін көрсетті. Сондай-ақ адамдардың тамағын зерттеп, деректерді жинақтау аса маңызды", — дейді профессор Дженет Кейд.Бұған дейін Гарвард университетінің ғалымдары жанып тұрған отқа пісірілген еттің гипертонияға алып келуі мүмкін екенін айтқан еді.